أكد الرئيس عبد الفتاح السيسى رئيس الجمهورية ، أنه سيتم وقف كل الدعم المقدم من الحكومة من خبز أو دعم تموينى أو غيره لمن يخالف أو يتعدى على الأراضى الزراعية أو الترع والمصارف ، قائلا : هوقف كل الدعم لأي حد بيتعدي على الأراضي الزراعية لغاية ما التعدي ده ينتهي تماماً .
وقال السيسي في افتتاح محطة معالجة مياه بحر البقر: إحنا كدولة بنحاول نسابق الزمن لتطوير واستعادة كفاءة منشآتنا بالكامل، زي ما شوفتوا الترع وحالها، كان بيأثر على حال الناس، ومتقدرش تستفيد بالمياه ، الدولة بتقوم بدور، والمواطن عليه دور .
و أضاف السيسي أنه لو انتوا النهاردة كحكومة لو راجعتوا الإجراءات اللي اتعملت في ال7 سنين هتلاقوا إن التخطيط كان لغاية 2052، وقطعنا خطوات كبيرة عشان كنا متأخرين، بعض المواطنين تعدوا على منشآت الحكومة .
و تابع السيسي فرع رشيد بيعدي 30 مليون متر مكعب من المياه بعد ما كانوا 80 مليون متر مياه، مش هنقبل كحكومة بده .
ووجه السيسي حديثه قائلا: وزارة الداخلية و الجيش أخد تمام عشان نشيل، إحنا مش هنتحايل على حد بعد 6 شهور أخد تمام، كل التعديات تتشال وأخد تمام خلال 6 شهور، زي ما أنا بعمل تبطين للترع وإجراءات فوق الخيال، اللي بيتعمل في مصر فوق الخيال .
ووجه الرئيس السيسي حديثه لوزير الموارد المائية والري قائلا : معلش يا دكتور محمد ومحدش يزعل مني انتوا كنتوا بتعملوا إيه لا لا 6 شهور وألاقي الجسور متظبطة زي الكتاب ما بيقول، وتتحط المعدات، وترجع زي ما كانت .
ووجه الرئيس السيسي حديثه لوزير الدفاع الفريق محمد زكي ، إن تطلب الأمر نزول الجيش ، ينزل الجيش يا محمد ، سواء تعدي على الأراضي الزراعية أو غيره، وبالمناسبة وقف كل الدعم لأي حد متعدي على الأراضي الزراعية أو الترع والمصارف مع الحصول على بيانات الأفراد المعتدين على الأراضي الزراعية .
